Ստեղծված իրավիճակի հետ կապված խորհրդակցություն է անցկացվել Ջերմուկի համայնքապետարանում.
Հանձնարարականներ են տրվել.
1. Ջերմուկի կոմունալ սպասարկման բաժնին՝ ամեն օր ախտահանել ըմպելասրահի տարածքը, կանգառները և մյուս մարդաշատ վայրերը:
2. Տեղեկացնել մասնավոր տրանսպորտային միջոցների սեփականատերերին՝ ախտահանել փոխադրամիջոցները ամեն օր:
3. Ժամանակավորապես դադարեցնել Ջերմուկի ճոպանուղու աշխատանքները և ախտահանել նստարաններն ու մյուս անհրաժեշտ տարածքները.
4. Բնակիչներին հայտարարել՝ չստեղծել կուտակումներ փողոցներում և հետաձգել հանրային միջոցառումները:
5. Համայնքապետարանի աշխատակազմին տրամադրել բժշկական դիմակներ և անհրաժեշտ պարագաներ:
6. Կատարել Վայոց ձորի մարզպետի հանձնարարականը՝
Հաշվի առնելով աշխարհում կորոնավիրուսային հիվանդությամբ (COVID-19) պայմանավորված լարված համաճարակային իրավիճակը և հիմք ընդունելով այն հանգամանքը, որ նշված հիվանդության փոխանցման մեխանիզմը, կորոնավիրուսային հիվանդության (COVID-19) բնորոշ ախտանշաններով (տենդ, հազ, դժվարացած շնչառություն) անձանցից՝ հիմնականում օդակաթիլային է, ինչպես նաև ըստ Առողջապահության համաշխարհային կազմակերպության ուսումնսասիրությունների արդյունքների՝ հարուցիչները կարող են որոշ ժամանակահատվածում իրենց կենսունակությունը պահպանել արտաքին մակերեսների վրա, հետևաբար առաջարկում եմ.
1. Ապահովել կոշտ մակերեսների պարբերաբար խոնավ մաքրումը՝ հաջորդիվ ախտահանումը:
2. Աշխատավայրում, տեսանելի վայրերում, ապահովել ձեռքերի ախտահանիչ նյութեր և հնարավորության դեպքում նաև սարքեր:
3. Հնարավորության սահմաններում բացառել սուր շնչառական վարակներին բնորոշ ախտանշաններով աշխատակիցների / անձանց մուտքը: