«Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 21-րդ կետի հիման վրա,  Հայաստանի Հանրապետության հողային օրենսգրքի 46-րդ հոդվածին, Հայաստանի Հանրապետության կառավարության 2001 թվականի ապրիլի 12-ի N 286 որոշմամբ հաստատված կարգի 44-րդ կետի «ը» ենթակետին  համապատասխան 

1. Համաձայնվել Ջերմուկ  համայնքի սեփականություն համարվող Ջերմուկ քաղաքի Շլաքահանքի փողոց N 4  հասցեում գտնվող,  1,85136 հա  մակերեսով (նպատակային նշանակությունը` արդյունաբերության, ընդերքօգտագործման և այլ արտադրական նշանակության, գործառնական նշանակությունը`ընդերքի օգտագործման համար տրամադրված) հողամասը առանց մրցույթի վարձակալության իրավունքով ընդերքօգտագործման իրավունք ունեցող  «Արսքար» ՍՊ ընկերությանը օգտագործման տրամադրելու  մասին Ջերմուկ  համայնքի ղեկավարի առաջարկությանը` հաստատելով  հողամասի` վարձակալությամբ օգտագործման  տրամադրելու նպատակը` Զիրաքի հրաբխային խարամի հանքավայրի բաց եղանակով շահագործում, ամսական վարձավճարի չափը` 30 000 դրամ, վարձակալմամբ օգտագործելու ժամկետը` մինչև 01.03.2066 թ.:

2. Հայաստանի Հանրապետության Ընդերքի մասին օրենսգրքի 17-րդ հոդվածի 3-րդ կետի 1-ին ենթակետին համապատասխան իրավունք վերապահել Ջերմուկի համայնքի ղեկավարին  «Արսքար» ՍՊ  ընկերության հետ կնքելու հողօգտագործման պայմանագիր:

3. Սույն որոշումն ուժի մեջ է մտնում հրապարակմանը  հաջորդող օրվանից: