1. Ջերմուկ համայնքի Ջերմուկ քաղաքի բնակիչ Մամիկոն Բալաբեկի Վարդազարյանին սեփականության իրավունքով պատկանող (հիմք` 2008 թվականի սեպտեմբերի 11-ի N 2349011 վկայական) Ջերմուկ քաղաքի Ձախափնյակի 4-րդ փողոցի N 6 հասցեում գտնվող 19,8 քմ մակերեսով հողամասում  ինքնակամ կառուցված 19,8 քմ արտաքին և 17,53 քմ ներքին մակերեսով ավտոտնակի մասը  (այսուհետ՝ շինություն) համարել օրինական։

2. Սահմանել, որ սույն որոշման 1-ին կետում նված շինությունը համապատասխանում է Հայաստանի Հանրապետության Քաղաքացիական օրենսգրքի 188-րդ հոդվածի 5-րդ կետով սահմանված օրինականացման պայմաններին. այն պահպանելը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, կառուցված չէ Հայաստանի Հանրապետության Հողային օրենսգրքի 60-րդ հոդվածով սահմանված հողամասերի վրա, ինչպես նաև ինժեներատրանսպորտային օբյեկտների օտարման կամ անվտանգության գոտիներում, կառուցված է քաղաքաշինական նորմերի ու կանոնների պահպանմամբ, չի առաջացնում հարկադիր սերվիտուտ պահանջելու իրավունք:

3. Սույն որոշման 1-ին  կետում նշված շինության օրինականացման համար հողամասի սեփականատերը պարտավոր է սույն որոշման ընդունման օրվանից 60 (վաթսուն) օրվա ընթացքում Ջերմուկի համայնքապետարանի 900365031583 հաշվեհամարին մուծել 21780(քսանմեկ հազար յոթ հարյուր ութսուն) դրամ, հակառակ դեպքում Հայաստանի Հանրապետության կառավարության 2006 թվականի մայիսի 18-ի «Ինքնակամ կառույցների օրինականացման և տնօրինման կարգը հաստատելու մասին» N 912-Ն որոշմամբ հաստատված կարգի 11-րդ  կետի «ե» ենթակետին համապատասխան սույն որոշումը կհամարվի  ուժը կորցրած:

4. Սույն որոշումն ուժի մեջ է մտնում Մամիկոն Բալաբեկի Վարդազարյանին որոշման ընդունման մասին իրազեկելուն հաջորդող օրվանից: