«Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին կետի 16-րդ ենթակետի հիման վրա, «Հրապարակային սակարկությունների մասին» Հայաստանի Հանրապետության օրենքի, Ջերմուկի համայնքի ավագանու 2019 թվականի նոյեմբերի 19-ի N 82-Ա որոշումը, հիմք ընդունելով համայնքային գույքը վարձակալության իրավունքով տրամադրելու մասին մրցույթային հանձնաժողովի 2020 թվականի հունվարի 17-ի N 3 արձանագրությունը՝
1. Հաստատել 2020 թվականի հունվարի 17-ին կայացած համայնքային սեփականություն համարվող, Ջերմուկ քաղաքում գտնվող 10-002-0104-0003 կադաստրային ծածկագրով 350 քմ մակերեսով գյուղատնտեսական նշանակության հողամասի՝ վարձակալության իրավունքի տրամադրման մրցույթի հետևյալ արդյունքները՝
· Մրցույթում հաղթող ճանաչել Ջերմուկ քաղաքի բնակիչ Արմինե Սեյրանի Մովսիսյանին,
· Վարձակալության իրավունքի ժամկետը՝ 17.01.2030թ.,
· Վարձակալության իրավունքի տրամադրման տարեկան վարձավճարի չափը՝ 21 000 (քսանմեկ հազար) դրամ,
· Վարձակալության իրավունքի տրամադրման նպատակը՝ գյուղատնտեսական գործունեության համար:
2. Սահմանել, որ սույն որոշման 1-ին կետում նշված հողամասի տարածքում վարձակալի կողմից կատարված անբաժանելի ներդրումները և բարելավումները համարվում են համայնքային սեփականությունը և հողամասի տարածքի մաքրման, կանաչապատման և բարեկարգման պարտավորությունը կրում է վարձակալը:
3. Ա. Մովսիսյանի հետ օրենքով սահմանված կարգով կնքել սույն որոշման առաջին կետում նշված հողամասի վարձակալության իրավունքի տրամադրման պայմանագիր:
4. Սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Ա. Մովսիսյանի կողմից:
5. Սույն որոշումն ուժի մեջ է մտնում ընդունմանը հաջորդող օրվանից: